81
E indice di “Cuminda & servicio di catering” a registra un subida di 0.6% na Januari 2026, despues di a registra un subida di 0.2% na December 2025. E indice di “Cuminda na cas” (0.6%) a registra un subida, unda ocho (8) di e diesun (11) indicenan di e gruponan di cuminda na cas a subi na Januari 2026. E indice di “Pan y otro productonan di grano” a conoce e subida di mas grandi (2.4%) na Januari 2026. Otro subidanan significante a wordo registra den e indicenan di “Berdura” (1.5%), “Sucu, jam y otro tipo di cos dushi” (1.1%), y “Bebida no-alcoholico” (0.9%).
E caida mas grandi a wordo registra den e indice di “Batata, yuca y batata dushi” (-3.3%) na Januari 2026.
E indice di “Cuminda pafo di cas” a registra un subida di 0.4% na Januari 2026. Na Januari 2026, “Cuminda na cas” y “Cuminda pafo di cas” como grupo, tawata tin un subida di prijs di 0.6% compara cu December 2025 y hunto tawata tin un influencia 0.09 ppt riba e CPI, mientras cu e restante bienes y servicio hunto a experencia un caida di prijs di 0.4% y tawata tin un efecto di -0.35 ppt riba e CPI.
