Ciclista levemente herida den accidente na Sero Patrishi – Aruba Native

Sero Patrishi – Dialuna atardi Polis di trafico y Forensys por a wordo mira na e crusada di Sero Patrishi pa bay Modanza.

Locual a sosode

E accidente tawata entre un pickup y un bicicleta.
Polis di trafico tawata necesario debi na posibel versionnan contradictorio.

Segun chauffeur di e pickup e la sali di un negoshi eybanda y lo bay lora na su man drechi pa drenta e caya. Net na e momento ey un bicicleta lo tawata yegando y ta dal na un parti di e pickup.

Polis a pidi pa un ambulance, debi cu e ciclista lo a ricibi un of otro golpi. Paramediconan cu a presenta a controla e ciclista na e sitio mes.