Diaranson anochi riba Bernhardstraat na San Nicolas poco mas pariba di watertoren ta sosode un accidente semi frontal unda un auto biniendo di pabou a bay den banda contrario dal contra di un kia rio basta duro.
Ambos auto a keda kibra e camry a bay para dilanti Aruba Store, no tabatin ningun hende herida. Polisnan di biaha a presenta y topa cu e autonan riba caminda. A tuma dato y a constata cu e chauffeur di e camry esun cu a ocasiona e accidente ta bebi y a keda deteni di biaha pa bay paden pasa e test oficial.