Di pabou un persona tabata sigui un Nissan Fuga coriendo basta duro diabierna pasa di 11:40 anochi, rotonde Pos Chikito bay ariba e chauffeur a subi velocidad y cuminsa na pasa autonan memei caminda. Algun automobilista a baha caminda p’e. E hende cu tabata sigui a informa polis unda e tabata bayendo. Caminda patras di Savaneta e chauffeur a tuma via e piscina olimpico bay bek abou. Asina riba caminda di Santo Largo polis a logra topa cu e auto y pare.
Un homber na stuur y na banda un hende muhe, polis a papia bon cla cu e homber pa cu su comportacion den trafico. A pone supla na e test di alcohol, el a faya tres biaha y a dune ultimo chens el a roga e oficialnan dune un chens pasobra misa boso lo detenemi tog tabata su palabra. Y asina a supla te final y a surpasa e limite y no a keda nada otro di detene y vehiculo di transporte a presenta y bay warda cu e homber bebi.