Diamars den oranan di marduga habitantenan di Rooi Afo a keda lanta pa un desordo fuerte y ora a sali wak a topa cu un auto gebolter dilanti un cas pega cu e cura.
A constata cu e auto a dal contra cura di cas, y un pali luz te cu a kibra poco kabel di coriente y di Setar. Polisnan di biaha a presenta ne sitio y a topa cu e mazda riba su dak. Un hende muhe tras di stuur a sali ileso foi e auto cu dolornan na curpa.
Ambulance tambe a presenta ne sitio y paramedico a brinda asistencia medico ne muhe y a bay hospital cune. E auto a keda totallos despues di e impacto, sigur velocidad halto a hunga un rol, e auto biniendo di nort a baha caminda y asina a perde control.