Den cuadro di e Dia Mundial di Diabetese (14 di november), Aruba One Happy Island Lions Club, den colaboracion cu POH (Praktijkondersteuners Huisartsenzorg), a brinda diahuebs mainta un charla educativo y interactivo na klas 4 y 5 di Colegio Santa Famia na Pos Chiquito.
E actividad educativo tabata dirigi na studiante-nan di enseñanza primario, cu e meta pa:
• Aumenta conocemento basico riba diabetese
• Splica e diferencia entre diabetes tipo 1 y tipo 2
• Enfatiza importancia di estilo di bida saludabel
• Motiva muchanan pa tuma desicion cu por preveni diabetes tipo 2
Durante e sesion, e presentacion a sigui e metodologia di IDF KiDS, adapta pa scolnan, y tabata inclui un dinamico Kahoot educativo pa stimula participacion y comprension. Muchanan a participa cu entusiasmo y a mustra gran interes den e topico.
Na final e alumnonan a ricibi un appel cu e mensahe: “???????? ???????????? ???????????? ???????? ???????????????????? ???????? ????????????????????! ???????????????? ???????????? ????????????????????, ???????????????? ???????????? ???? ???????????????? ???????? ???????????????????? ???????? ???????????????????????????? ????????????????????????????????????” y tambe un foyeto cu informacion tocante diabetese.
Aruba One Happy Island Lions Club ta expresa su profundo agradecimiento na:
• Experto-nan di POH, pa nan presentacion claro, accesibel y adapta na nivel di studiante
• Colegio Santa Famia, pa nan colaboracion y apertura
• Hilton Hotel y Riu Hotel, pa nan apoyo y cooperacion
• BID, pa nan contribucion y asistencia.
Aruba One Happy Island Lions Club ta reafirma su compromiso cu educacion, conscientizacion y prevencion den comunidad. Por medio di proyecto como e charla educativo aki, nos ta traha pa prepara un generacion cu tin mas conocemento riba risconan di diabetes y pa stimula un estilo di bida saludabel.
Hunto nos por crea mas conocemento, inspira accion, y fortifica salud den nos comunidad.
Bo tambe kier yuda y ta desea di ta un Lions Friends acerca nos na 568-0829 of [email protected] .