Dialuna atardi ne negoshi Euro Ceramica situa na Bubali tabatin bahamento di carga y algo a bay robes cu un carga pisa a cay riba un hoben di 20 aña. Polis, ambulance y brandweer a keda dirigi cu maximo urgencia. Na yegada di Polis y personalnan di Bombero ta topa cu un situacion serio, a pidi ambulance presenta mas lihe.
Bomberonan a logra di kita e carganan pisa cu a cay riba e hoben, paramediconan a yega di biaha y a cuminsa traha cu e hoben stabilise di biaha y a bay Eerste Hulp cu maximo urgencia, danki na ayudo di Polis cu a logra di habri caminda. Segun informacion ricibi cu e situacion ta serio pa cu e hoben.