Diamars den careda di 7’or mainta habitantenan di Seroe Janchi a reporta na autoridad cu tin un candela grandi pega cu e conocido choller house y no sa si te cas ta na candela.
Di biaha a despacha Polis y Brandweer ya cu di leu por mira e huma preto ta bay halto. Na yegada di patruya di Noord a constata cu e candela grandi ta patras di e cas. A tuma nota cu e adictonan lo a pega sushi na candela y esaki a expande bira grandi y tabata menasa pe choller house y tambe casnan den bisindario.
Truck di brandweer a presenta di biaha y bombernan a drenta accion lihe pa domina e candela rapidamente.