Gai cora a canta diamars den careda di 4’or di marduga autoridad ta keda informa cu tin un negoshi na candel panort di cayena mall na Tarabana riba Caya Betico Croes di biaha a despacha patruya policial cu urgencia. Na yegada di e prome patruya ta topa cu di berdad un negoshi cu ta bende muebles y mas completamente na candela y a solicita brandweer cu maximo urgencia.
A saca dos truck cu di biaha a presenta ne sitio y aki bomberonan a cuminsa na domina e candela feroz aki, pero tabatin mester di mas personal pa duna un man y e truck pa bay na halto debi cu ta un deposito grandi.
Bomberonan a concentra pe candela no expande kima un tire shop banda zuid y un otro negoshi banda nort. Personal di Elmar tambe a presenta pa asina kita coriente di e negoshi cu tabata na candela.
Solo a sali y ainda bomberonan tabata lucha cu e candela cu no tabata facil pa paga, debi cu den e deposito aki tin varios material cu hotelnan ta saca afo y aki den e deposito ta keda bendi.