Diadomingo marduga gai cora a canta den bario di Madiki unda habitantenan a constata di un candela den un apartamento y e candela a bira asina grandi y cana lihe y bay destrui algun apartamento mas cu tabata pega cu otro.
Di leu por a mira e huma ta bay halto, polisnan y brandweer a presenta rapidamente ne sitio. A cera e caminda pa bomberonan traha sin ningun problema.
Dos truck presente pa combati e candela grandi unda te hasta e vlam a kima matanan cu tabata rond di e cas.
Segun habitantenan a haya falta di un señora di edad cu ta biba e banda pariba unda cu e candela tabata mas grandi.
Ambulance tambe a presenta pa un hende di edad cu tambe a bira malo y inhala huma cu tabata biba den e mes un caminda di e apartamentonan kima. Bomberonan a combati pa 2 ora largo e candela grandi aki cu na final a logra domine, loke ta di remarca ta cu e apartamentonan aki tabata di palo.