Gai cora a canta diamars mainta den bario di Paradera na un residencia unda persona den su cas ta scucha explosion tiro den e cas y huma ta sali foi parti di e caminda y constata cu candela a cuminsa den e camber. E señora a drenta panico pa cu e situacion y na grito tabata pidi yudansa, pero e bisiñanan cu a mira esaki a bati alarma di biaha na autoridad. A sali duna un man yuda e señora tur hende cu slang den man y purba na yuda pero e candela a cana basta lihe cuminsa kima parti di e cas.
Polis di bario Noord a presenta y a cuminsa duna un man. Brandweer tambe a presenta ne sitio y aki bomberonan a drenta accion di biaha pa combati e candela y despues di rato e tankwagen a presenta pa duna un man cu mas awa. Ambulance tambe a presenta y paramedico a brinda asistencia medico ne doño di cas cu a drenta shock y inhala basta huma.