Diabierna anochi trahadornan den cushina di Marina pirata situa na Spaans Lagoen Pos Chikito a hayanan confronta cu un candela cu a cuminsa ne parti di e deepfryer y esaki a bira grandi. Maske cu nan a purba na combati e candela pero tabata invano, a bati alarma na cuerpo di bombero di biaha y polis.
E momento ey tabatin algun cliente y tur hende a drenta panico y a keda evacua. Maske trahdornan a purba na lucha cu e candela asina mes y inhala huma pero tabata dificil. Dos truck di brandweer a presenta y aki bomberonan a drenta accion rapidamente y bringa cu e candela te na final. Personal di Elmar tambe a presenta pa kita coriente p’asina Bomberonan por haci nan trabou sin problema di paga e candela full y unda cu tin coriente. Ambulance tambe a presenta ya cu tin hende a inhala huma bira malo pero paramedico a controla e trahadornan y papia cu nan y no tabatin nada di gravedad pa hiba hospital. E propetario tabata presente y tabata den shock di e sucedido.