Dialuna e director interino di DOW sr Francis Gomez durante un conferencia di Gobierno a splica di camindanan cu lo bay keda drecha durante 2025 padilanti.
E caminda di rotonde Paradera pa bay direccion pariba pa rotonde Piedra Plat tambe lo haya su debido atencion ya cu ta conoci cu e asfalt ta kraak na varios caminda y ta un caminda cu ta ser usa pa hopi vehiculo, truck y te hasta vehiculonan di emergencia. Den e lista di begroting por a tuma nota cu e caminda aki lo tin un costo di 967.954,52 florin y e largura di trabou ta 1700 meter pa pone asfalt nobo.
E parti dos lo bira di rotonde Piedra Plat na altura di bright te cu e crusada di Weng Kee Piedra Plat tambe lo haya e debida atencion di asfalt cu ta den mal estado y lo pone un capa completamente nobo y e costo segun DOW su planificacion ta 676.381,50 florin y ta un trabou di 1500 meter di largura.
Debi cu e caminda aki ta basta largo sigur momento cu e proyecto aki cuminsa pa raspa e capa bieu di asfalt pa pone nobo, DOW lo informa den medionan di comunicacion den cuanto parti ta cera caminda, ya cu tin cu tene cuenta cu e caminda aki ta uno largo y basta trafico y no por sere un solo biaha pa tranca negoshinan y trafico rond.