Diadomingo pasa 9 di November 2025, un grupo di persona cu limitacion visual, hunto cu nan famia, boluntarionan y comunidad di Aruba a participa den un caminata special organisa pa promove inclusion.
E caminata anual organisa pa Fundacion Arubano di esnan Visualmente Incapacita (FAVI) bou coordinacion di Catherine Midi, a tuma lugar den un ambiente alegre y sano. VMU bou guia di Vladimir de Cuba y Rode Kruis bou guia di mnr Richardson, trahador y boluntario di FAVI a duna asistencia pa asina sigura un evento sigur y accesibel pa tur participante.
Ruta pa e caminata aki di 4.3 kilometer a cuminsa na Parkinglot di Eagle footpath.
El a tuma direccion Embassy Hotel y a caba bek na e parkinglot di Eagle Footpath.
Tur cliente di FAVI a wordo encurasha pa bin cu nan garoti y anima e famia pa bin cana cu nos y mustra nan sosten. Tabata tin diferente premio e atardi aki incluyendo best group, first place runner female y male, medaya pa tur mucha y e prome 100 personanan cu yega a haya un tshirt gratis di walk with a vision. Tambe nos tabata tin doorpirze na final di e caminata.
Meta di e actividad ta pa mustra cu cada persona por participa lagando un banda nan limitacion. Nos caminata ta pa recauda fondo, tur fondo recauda FAVI ta uza pa nos por sigui brinda y ofrece servicio na tur persona y mucha cu tin un limitacion di bista .
Di kier gradici nos sponsernan Subway, Tropical Bottling, Andina Ice, La Cabana Beach Resort, Playa Linda, Geekay, Next Level Barbershop, Compra, Melz, Joe Fitness, Double Down, Superfood, Fruteria Virgilio, CutsnCruves, Papagayo, Lotto pa Deporte, Peanuts Restaurant, Alledda, Coco Loco Beach Bar, Croes Wever Ruiz & Arulex, Garage Centraal, mnr Eric Clement y tur otro persona individual cu di un manera of otro manera a contribui na e caminata.
Pa mas informacion di e evento y con pa haci bo aporte otro anja por manda un email na Catherine Midi na [email protected] of por yama 5825051 of 5825222.