Diadomingo den careda di 3.40 marduga autoridad ta keda informa cu riba Caya Ernesto Petronia ney na altura di e misa na Playa tin un accidente serio entre brommer y tin hende no ta reacciona y brommer ta na candela.
Esaki a pone cu polisnan di Oranjestad cu urgencia a keda dirigi y presenta di biaha. Brandweer tambe a keda despacha foi Tanki Flip. Polis a topa cu un accidente cu no sa pasa mucho, brommer y bicicleta. Dos hende herida y a solicita dos ambulance ya cu un di e personana no ta reacciona verbalmente.
A constata cu e hoben riba e brommer a topa cu e bicicleta sin luz ta yega subi caminda su dilanti y mucho mas no por a haci y aki a dal contra e bicicleta slip dal abou y e brommer a pega candela.
Brandweer a presenta di biaha y domina e candela, e candela a destrui full e brommer.
E hoben herida a keda transporta pa hospital.
Polis a keda convence e ciclista cu ta un persona sin nada pe haya atencion medico di paramedico ya cu na prome instante e tabata rechasa esaki. Na final e caminda a keda habri.