Relaciona cu e candela feroz cu diamars den careda di 4’or di marduga cu a cuminsa den e negoshi Hotel used Furniture store na Caya Betico Croes Tarabana, tabata un candela grandi cu a kima full e negoshi di patras bin te dilanti.
Kico a conduci e candela ta desconoci. Bomberonan di 4’or di marduga te cu pasa di 10’or di mainta a keda pa bringa cu e candela grandi pa domine completo. Debi cu tabatin e daknan di hero e bomberonan no por a cana full paden debi na siguridad y a usa e hoogwerker.
Departamento tecnico di Polis tambe a presenta pa saca tur potret di e scenario loke cu Cuerpo di Bombero informa Polis cu nan ta haya sospechoso.
Te hasta personal di CMO, Crisis Management a presenta pa duna un man cu materialnan pa Cuerpo di Bomero debi cu tabata un trabou di 6ora luchando cu e candela.
Durante merdia Brandweer a bolbe pa basha awa paden, y anochi tambe ya cu e candela a bolbe lanta.