3.9K
Diaranson atardi un persona a bay bishita un ser keri na Wayaca y a constata cu no por drenta e cas debi cu e porta ta na lock y e sa cu e hende ta den e cas debi cu tin dos dia sin tende di dje. Te hasta bisiña a haya falta di e homber y a kere na prome instante e ta na hospital ya cu nan no a wak e pafo mes.
Ambulance a presenta ne sitio pero mucho no por a haci ya cu a cuminsa haya un holo di posiblemente e persona lo tin algun dia den e cas y a pidi presencia di Polis y brandweer.
A dura algun rato pa brandweer yega y asina bomberonan a kibra e porta dilanti di e cuarto y famia y Polis ta topa cu e persona sin bida den cas. Posiblemente a bira malo y a cay abou y no por a yuda su mes pa lanta y pidi ayudo y asina a bin fayece.
Tabata un sla duro pa famia presente. Dokter tabata presente y a constata morto. Personal di slachtofferhulp tambe tabata t’ey pa papia cu e famia den e momentonan dificil aki.
Auto funeral tambe a presenta di biaha pa asina bay cu e curpa sin bida pa funeral.
Palabra di profundo condolencia na famia.