Basta daño material despues di accidente fuerte na Saliña Cerca – Aruba Native

Saliña Cerca – Diabierna anochi laat a sosode un accidente basta fuerte dilanti Noord Supermarket, situa na Saliña Cerca.

Polis a bay cu basta urgencia, debi cu a indica cu tawata trata di un accidente basta pisa.

Na yegada polis a bin topa cu un Toyota Mark X cu e parti patras pega contra un palo di luz. E otro auto tawata un Toyota Starlet.

Ariba un imagen di un security video por mira cu e Starlet tawata bayendo zuid cu velocidad, mientras e Mark X pa un of otro motibo a bay na su man robes.

Eyna e Starlet a dal basta duro contra dje, pegando e auto parcialmente contra e palo di luz.

Ambulance a wordo solicita, unda cu Paramediconan a atende cu chauffeur di e Mark X.

Caminda a keda cera un rato pa despues takelwagen move e autonan.