Sindicato FTA riba nan red social a publica lo siguiente:
A habri un siman nobo cu firmamento di un acuerdo collectivo (CAO) nobo riba Dialuna 20 di Oktober 2025 pa e afiliadonan di FTA na Algemene Ziektekosten Verzekering (AZV), cu ta e organizacion encarga cu maneho di seguro medico general na Aruba. E CAO lo ta pa un duracion di 3 aña, desde 1 Januari 2025 pa 31 December 2027.
A hiba varios negociacion entre representantenan di AZV y FTA, cu a conclui di forma exitoso na logra sera un contrato collectivo. Miembronan lo conoce un sistema nobo di indexering di salarionan, cu ta duna un crecemento sigura y balansa di e salarionan anualmente.
Durante e ocasion aki,e CAO a wordo firma den representacion di AZV: Director: Edwin Jacobs, Di parti FTA, Presidente: Hose (Jomar) Figaroa, Vice Presidente: Aldrick Pontilius.
Como testigo tawata presente di parti di AZV: Andres Luzardo. Delegadonan di FTA na AZV: Erma Spanner, Aldona Blijden y Sigfried Lumenier
AZV y FTA su representantenan a expresa nan satisfaccion di por logra sera un contrato collectivo pa e afiliadonan, pa e siguiente tres aña.
Ta gradici afiliadonan di FTA na AZV pa deposita nan confianza, pa por atende cu nan asuntonan laboral.
.
Nos ta presenta un resumen di foto na momento cu a tuma lugar firmamento di e CAO.