Diabierna anochi riba caminda di Belgiestraat pa Madiki un automobilista tabata sigui un pickup berde coriendo zigzag riba caminda y tabatin algun ocasion cu e pickup tabata baha caminda. A informa polis di e caso, patruya di Oranjestad a cuminsa patruya den e area y a topa cu e pickup para bandi di caminda y e chauffeur basta cansa na stuur. A papia cu e chauffeur e tabata trankilo un rato y tin rato no tabata cooperativo y no tabata compronde cu Polis ta haciendo su trabou, y no por a lage sigui core auto den e forma cu e ta evita casua desgracia na otro hende y su mes.