Diasabra den careda di 1’or di marduga un persona pasando na altura di rotonde Pos Chikito a mira candela den cura di cas y ora a yega cerca a constata cu ta un auto ta na candela y a bati alarma na autoridad.
Di biaha a despacha brandweer cu a sali foi San Nicolas. Despues di algun rato e persona a duna di conoce cu e candela a bira basta grandi y a cuminsa na kima auto completamente, vlamnan grandi tabata bay halto. Brandweer a presenta algun rato despues y aki bomberonan a bula e cura di cas pa drenta paden y combati e candela, evita cu esaki bay kime cas debi cu e vlamnan tabata pega un mata na candela caba den e cura di cas. Ta desconoci con e auto staciona den e cura di cas a pega candela.