Diadomingo merdia riba Av Nelson Oduber “Sasakiweg” poco pazuid di e rotonde Palm Beach ta keda registra un accidente serio di utv di biaha ta mobilisa Polis y Ambulance cu urgencia pe sitio. Patruya di Noord a presenta y a topa cu basta utv riba caminda y a cera e rotonde Palm Beach di biaha.
A constata foi e turista cu un auto a ceranan y pone cu e chauffeur turista a perde control y dal contra di un otro utv. E turista su pia a keda fractura y tabata keha di dolornan fuerte. Ambulance a presenta di biaha ne sitio y paramedico a brinda asistencia medico ne turista herida y transporta pa hospital. Polis di trafico presente a tuma tur dato.