Asosashon di mákelarnan na Boneiru ta krítiko  pa loke ta trata ordenansa di bibienda proponé 

KRALENDIJK – E ofisinanan grandi di mákelar na Boneiru, entre kua Sunbelt Realty, Caribbean Homes Bonaire, Harbourtown Real Estate i RE/MAX, a ekspresá konhuntamente nan preukupashon tokante e ordenansa di vivienda proponé. Den un karta dirigí na diputado Anjelica Cicilia nan ta enfatisá ku ounke regulashon ta nesesario, e plannan aktual por tin konsekuensianan grandi i posiblemente negativo pa merkado di bibienda.

Tur e mákelarnan ta rekonosé e eskases na bibienda pagabel riba e isla , pero ta mustra ku e kousa prinsipal di esaki ta e gastunan di konstukshon ku ta oumentando, preis haltu pa tereno  i kondishonnan severo pa finansiamentu. Segun nan mester atendé ku e faktornan aki pa hasi e merkado di vivienda mas aksesibel pa habitantenan di e isla.

Proposishon pa adaptá e ordenansa

Den e karta e mákelarnan ta boga pa algun adaptashon importante:

• Limitashon te na zonanan residensial spesífiko: E regulashon lo mester konta pa solamente Zona residensial 1,2 i 3 i no pa zonanan di rekreashon i den sentro.
• Klóusula di tempo pa benta: Bibiendanan lo mester ta 4 te 6 luna eksklusivamente disponibel pa personanan ku un laso sosial ku Boneiru. Si den e periodo ei no bende e kas, esaki mester bini disponibel riba merkado liber.            
• Límite kla definí pa balor di bibienda:  E límite di e ordenansa di bibienda lo mester ta maksimalmente $305.000 te $375.000, na lugá di e $533.750 ku a proponé.
• Revishon maneho di èrfpagt:  Mester reguláterenonan èrfpagt ku no a konstruí riba dje mihó i ku e posibibildat pa tuma bèk na momento ku no kumpli ku e obligashonnan di konstrukshon. 
• Ampliashon di e grupo meta: Banda di habitantenan di Boneiru ku a nase aki i tin hopi tempu inskribí, personal den kuido i empleadonan den funshonnan públiko mester haña akseso na e merkado di bibienda.

Medidanan alternativo

E mákelarnan ta mustra tambe riba otro posibilidat pa regulá e merkado di bibienda sin mester di introdisí un ordenansa di bibienda severo. Nan ta sugerí entre otro un tarifa mas diferensiá pa impuesto di transferensia i introdukshon di un klóusula antispekulashon, kaminda bibiendanan riba tereno èrfpagt mester keda propiedat pa por lo ménos sinku aña promé ku rebend’é

Diálogo ku gobièrnu ta nesesario

Segun e asosiashon  di mákelar ta esensial pa tuma pasonan siguiente numa despues di konsulta profundo ku tur partido enbolbí, entre kua kontratista-, desaroyadó-, suministradó- i bankonan. Nan ta atvertí ku e ordenansa proponé por tin efektonan negativo riba e fluho riba merkado di bibienda i posiblemente lo difikultá benta di bibiendanan básiko.

Riba 20 di mart gobièrnu a duna un aktualisashon di e ordenansa di bibienda. E mákelarnan ta spera ku ta tuma nan aporte na serio i ku lo buska un solushon balansá ku ta protehá tantu e merkado di bibienda komo  mantené e faktibilidat ekonómiko. 

5