Diasabra den careda di 12:15 merdia varios persona a constata cu coriente tabata haci straño y despues coriente a bay, a core busca informacion y tabata full Aruba. E problema tabata den WEB Aruba Nv den parti di produccion di coriente.
Elmar a informa prome di e blackout aki cu ta full e isla. Personalnan di WEB na warda a core yega trabou di biaha cu ta e tecniconan cu sa momento di un blackout y sa con pa start cierto aparatonan bek debi cu WEB mes a keda sin coriente.
WEB na su turno a informa cu lo por dura 4 ora pa recobra coriente completo, ya cu tin start motornan 1 pa 1 bek y por a mira esaki na e tubonan cu poco poco tabata saca huma bek cu ta indica cu tabata cende motornan bek pagenera coriente.
Personal di Elmar tambe a presenta na e starion principal di Elmar den cura di WEB cu ta esun cu lo manda coriente bek poco poco.