Diaranson anochi varios area a keda sin coriente, Santa Cruz, te cu Seroe Pita, Sabanilla Abou, y mas persona a reporta esaki riba facebook di masnoticia.com Tin bario a te hasta confronta cu coriente a bay bin 3 biaha y personanan a reporta nan disgusto pa cu e situacion aki. Debi cu e area tabata grandi, y personanan cu a scucha zonido duro di motor ta sali foi area di Web a kere na prome instante cu lo por ta un posibel trip den motor di WEB. Pero debi cu ta anochi laat mucho informacion no por a haya di ambos instancia. Y a reporta cu varios bario ta sin coriente.
ELMAR parti mainta a informa lo siguiente, cu esaki ta haci cu e problema no tabata na WEB e biaha aki:
Atencion na nos clientenan den e area di Santa Cruz:
Ayera nochi, alrededor di 11or y mey, nos a confrontando un interupcion den e distribucion di coriente den e area aki. Nos tecniconan a mobilisa rapidamente pa atende cu esaki.
Nos tecniconan a megger e kabelnan di tension halto pa por a identifica e problema pa restaura e suministro di coriente mas pronto cu ta posibel. E causa tabata un interupcion riba un kabel bou tera. Pa 1or di marduga nos tecniconan a isola e interupcion y reestablece e suministro di coriente pa e areanan afecta.