Diaranson atardi un grupo di personanan indocumenta cu ta kedando na e centro di detencion na Dakota wardando e momento yega cu nan por bay bek nan pais a lanta den un di e trailernan. Mas o menos 5 homber den e trailer a lanta cu e personalnan momento cu nan a keda informa cu un amistadnan di nan cu a keda deporte siman tras di lomba pero no a tende di dje mas na Venezuela si el a lanta bon y ni kico autoridad por a haci cune na Venezuela.
Aruba no por sa con autoridad afo ta traha
E personanan aki no ta compronde kico cu pasa na Venezuela den man di autoridad no ta cay bou Aruba. Tur hende sa cu autoridad Venezolano sa ta corupto ora ta trata di placa, te hasta Arubianonan cu a biaha den pasado pa Venezuela a keda secuestra ora nan sa cu nan ta bin di Aruba y ta cerabo den un prizon masha sushi mes ahigienico y pa liberabo ta pidi basta placa pa bo cabes por sali bek y ta cosnan cu a yega di pasa no mucho tempo atras.
Ta mal usa celular den cel
Loke ta lamenta cu e personanan deteni na Guarda nos Costa Dakota, ta haya celular un rato pa por comunica cu famia y ta haci mal uso di celular mustra con nan ta protesta ta manera culpando Aruba cu kico ta pasa na Venezuela. Husticia lo bay evalua e asunto di celular si nan por keda mucho rato cune.
Tabatin arma blanco pa protesta
Polisnan a presenta na cantidad diaranson atardi na GNC pa duna un man e situacion tabata tenso ya cu nan tabatin arma blanco cu nan a traha y aki Cuerpo Policial a usa team tactico di Polis y comisario di Polis sra Gorden tambe a presenta pa pone su mes na altura pa negosha cu e personanan y splicanan e proceso di Aruba y loke ta pasa ayanan ora e hende yega no ta den man di Aruba mas.
E situacion a calma ora nan a compronde con Aruba ta traha y ningun hende a keda deteni.