Dialuna pa Airport tabata un dia registra cu 45 vuelo comercial cu mester a aterisa na nos isla, di cual 1 a cancela cu ta e Aruba Airlines biniendo di Cuba pero debi ne situacion di Fuel na Cuba a haci cu e vuelo a cancela.
E prome vuelo pa Airport Aruba tabata Aerolineas Argentinas pa 7:00 am. Di mainta te cu merdia pa 1’or un total di 16 avion comercial a aterisa, te e ultimo contando JetBlue di Boston.
Prome cu 1’or merdia e operacion di Airport a paralisa momento cu un pasahero a haya un papel cu e palabra menasando cu tin un BOM abordo di e avion, esaki a haci cu e capitan a informa toren y toren na su turno a bati alarma grandi y operacion pa avionnan aterisa y lanta a keda wanta.
E operacion a keda para di 1’or merdia te cu bandi 4’or atardi. Delaynan tabata grandi avionnan cu tabata programa pa aterisa pasa di 1’or di merdia tabata basta pero a dal varios buela pabou di Aruba te ora cu a haya clearing algun avion a aterisa na Curacao y algun a bay Republica Dominicana y aterisa na Punta Cana como standby.
Despues di tur e protocol e procedura haci y no a haya nada di bom den e avion a cuminsa na start e operacion di airport bek den careda di 4’or atardi.
E prome avion cu a lanta vuelo tabata Divi pa Curacao pa 4:50 atardi.
E prome avion pa aterisa bek despues di e ciere tabata American Airlines pa 5:05 atardi cu e vuelo di Charlotte y esaki a sali foi Curacao debi a standby di merdia te ora cu a haya clearing pa regresa Aruba bek. Despues cu Airport a opera bek di 5’or te cu e ultimo vuelo casi mei anochi un total di 31 avion a aterisa na nos pista.
Den careda di 29 avion a lanta vuelo bek despues di e ciere di merdia.
E ultimo avion cu a aterisa tabata GOL pa 9:18 anochi y ta e ultimo vuelo cu a despega pa 11:36 anochi.
Personalnan di Toren di Control tabatin un trabou hopi pisa e momento ey y a demostra di a maneha esaki completo cu e precion pa controla pista y te hasta vuelonan den halto cu tabata yegando Aruba y coordinando cu Curacao y Republica Dominicana.
Gradici tur hende
E personalnan di Toren di control a bay extra mile un biaha mas te casi mei anochi cu ultimo vuelo.
Sin laga afo gradicimento na tur taxista, esnan cu ta corebus tours encarga cu turista cu a opera te cu anochi laat.
Tambe tin cu gradici tur e personalnan foi oficinanan controlando tur cos bay manera mestera a durante e operacion delay, Camara Room di Airport, Check In, Inmigracion, Securitynan, Douaneronan, Polis, esnan cu ta encarga cu e maleta, personal di Apron y tur cu ta traha riba pista un tremendo trabou eherci te cu anochi laat pa draai tur e delaynan despues di e situacion cu ningun hende tabata di spera.