Aclaracion di Aruba Airport Authority N.V. relaciona cu varios ‘post’ riba medianan social referente fila di hende na aeropuerto awe, 28 di juni 2025.
Aruba Airport Authority N.V. kier informa cu e sistema di maneho di maleta pa vuelo pa Merca a experencia un congestion temporal debi cu algun maleta no a wordo procesa corectamente durante e proceso di check-in. Esaki a causa un pausa temporario den e proceso di check-in, cu eventualmente a resulta den un fila di pasahero pafo di terminal.
E situacion a wordo resolvi rapidamente y ningun buelo a experiencia un retraso pa motibo di esaki.
Mientras nos ta sigui optimalisa e sistema nobo di maneho di maleta y e operacion den e terminal nobo di check-in, e personal ta sigui haci cierto ahustenan pa mehora e operacion.
Nos ta evaluando e incidente aki pa implementa medidanan preventivo pa evita cu esaki sosode atrobe.
Nos ta contento pa bisa cu danki na e terminal nobo pa e buelonan Mericano, e sistemanan nobo y e control di fluho di pasahero recientemente introduci, e operacion a mehora bastante – cu un proceso mas eficiente y sin necesidad di recoge maleta of control di seguridad secundario.
Danki na tur pasahero pa nan pasenshi y comprension.