Durante un bishita di trabao na Fair Trade Authority Curacao (FTAC), Aruba Fair Trade Authority (AFTA) a tene un dialogo cu Fundashon pa Kunsumido na Curacao. AFTA tabata interesa pa sa for di e fundacion nan perspectiva di e importancia di colaboracion entre e supervision i e defensor di consumido. Segun e fundacion, un fuerte colaboracion entre entidadnan di supervision i organisacion di consumido ta esensial. Supervision ta garantisa cu negoshinan ta sigui e reglamento, mientras cu defensornan di consumido ta representa nan bos i ta trece dilanti informacion pa comunidad. Pa medio di intercambio di conocemento i bista di e materia, por ataca abuso mas lihe i duna consumidonan miho informacion tocante nan derecho. AFTA ta impresiona cu e manera cu Fundashon pa Konsumido ta defende e interes di consumidonan.
Den futuro serca, Parlamento di Aruba lo toca e tema tokante e ley nobo cu lo duna AFTA e responsabilidad di supervisa e derecho di consumido, reforso di regla i tambe lo brinda informacionnan pa consumido i negoshinan. E speransa ta cu introducion di e ley nobo, atencion riba derecho di consumido na Aruba lo aumenta, i cu negoshinan lo tuma e derecho di consumido mas na serio i cumpli cu nan obligacionnan. Dia 14 di maart 2025, a tuma luga un sesion di informacion cu hopi persona presente, titula ‘Eerlijke handel, eerlijke koop’, in colaboracion cu Universiteit van Aruba. Pa mas informacion tocante e sesion i derecho di consumido please bisita e website di AFTA. Lo por inscribi pa e newsletter pa asina keda na altura di tur desaroyo di AFTA.