Accidente violento riba Sasaki: Dos auto hinca den mondi pal’i luz ranca y dos herido

1

Diadomingo den careda di 4’or marduga riba Av Nelson Oduber “Sasakiweg” pariba di ex House of Cheng autoridad ta keda informa cu un accidente pisa a sosode y tin autonan hinca den mondi y hende benta riba caminda. Di biaha ta mobilisa ambulance y polisnan pe sitio.

Dos auto hinca den mondi
Na yegada di e patruyanan di noord ta topa cu di berdad dos auto hinca den mondi, un banda pariba y e otro banda pabou y pali luz ranca kabelnan di coriente ta colga riba caminda y un mucha muhe herida benta abou.

Dos herido un mas grave cu otro
Tabatin por lo menos dos hende herida un mucha muhe grave a keda atendi di biaha pa personal di ambulance cu tabata prome ne sitio a traha cune di biaha debi na su situacion grave, despues di e impacto el a sali for di auto y sak cay abou. Y despues un di dos ambulance a presenta pa un hende homber herida cu basta sla na curpa kehando di dolornan fuerte.

Caminda cera, velocidad halto a hunga rol
Polis a mantene e caminda cera foi rotonde bandi super food debi cu di unda a topa cu e autonan basta meter pazuid por lo menos 3 pa 4 pali luz leu a topa cu marcanan riba caminda cu ta indica unda nan por a perde control. Velocidad basta halto a hunga un rol, no por descarta cu ambos hyundai elantra tabata purbando ya cu ambos ta hobennan den e autonan.

Lastro di marca basta leu y impacto violento
Polis di trafico y departamento tecnico a presenta ne sitio pa haci nan investigacion, saca potret y midi e marcanan cu a keda riba caminda for di zuid te unda cu e autonan a bin para, cu ta indica un dalmento violento, y velocidad super halto te unda a ranca pali luz pa despues un auto hinca den mondi pabou y otro banda pariba, no por menciona si un di nan por a bolter e forma con e auto a keda hinca den mondi compeltamente destrui dilanti.