Diahuebs atardi n’e crusada di Cadushi Largo ta keda registra un accidente serio entre auto y scooter, e impacto a pone habitantenan den bisindario sali y tabatin automobilista pasando a topa cu e accidente y a reporta di biaha na Polis.
Polisnan ta presenta y a cera e caminda di biaha debi cu e situacion ta serio, e hoben su pia banda robes a keda ranca y tabata wanta riba un pida cuero so. E tabata grita basta, ambulance a presenta cu sumo urgencia. Paramedico a brinda asistencia di biaha, y a prepara tur cos y a bay abou cu maximo urgencia unda polisnan a habri caminda pa ambulance na tur rotonde.
Polis di trafico tabata presente hunto cu departamento tecnico pa saca potret di e sucedido.
Segun e dama chauffeur di e kia rio el a mira caminda bashi y a subi caminda pero e brommer biniendo di pabou riba un velocidad net riba e subida a topa cu e auto su dilanti e momento y a dal n’e parti patras.