Despues di 39 aña trahando como partera, yudando hende muhernan durante nan embaraso, parto y cuido despues di parto. Cu sentimento mixto a yega e momento pa mi despidi di boso y pa asina baha cu mi pensioen merecidamente. Na un bida yen di entrega y dedicacion, cada momento a y lo keda marca den mi curason.
Mi ta sinti mi profundamente agradecidio pa por ta parti di e momento mas sagrado den bida di hopi di boso y pa tin e honor di a forma parti na yegada di boso bendicion. Cada sonrisa, cada palabra di gratitud, cada momento di fortalesa a keda graba den mi bida y curason.
Mi ta gradici di curason pa e confiansa cu boso a pone den mi na tur e momento importante di boso bida. Mi a siña, crece y bira mas fuerte di esaki y mi lo keda recorda semper e momento nan bunita cu nos por a comparti cu otro.
31 di januari 2025 lo ta e dia cu mi persona lo despidi di boso y pa asina habri un capitulo nobo den mi bida y disfruta sin fin.
Di profundo di mi curason masha danki y hopi bendicion pa boso y boso famia.
Cu amor y gradicimento,
Shaline Tromp