Diamars anochi Polis y Brandweer a keda informa cu den bario di Rooi Bosal pa Sabana Grandi tin un candela grandi mes. Na yegada di patruya policial a topa cu di berdad riba un tereno grandi tin un monton di sushi cu a keda pega completamente na candela. E candela tabata riba e tereno si pero nada di expande pero e huma sigur tabata molester pe barionan pabou te cu Simoen Antonio a keda afecta.
Dos pa tres truck a presenta pa cuminsa yuda cu awa. Pero bombero ne sitio a mira a pasa mas cu un ora pero candela ta keda mes grandi y bou ordo y coordinacion cu comandante y airport a logra di saca un crash truck cu ayudo di Polis pa yega ne sitio y cuminsa basha awa cu presion di halto pa logra domina tog e candela aki mas lihe.
Polis tabatin e area cera un rato pa autonan no yega cerca stroba bomberonan di traha y cu pasamento di slang riba caminda. Tabata un trabou grandi, a tuma nota di personalnan di Crisis Management Office tambe presente pa pone nan mes na altura di e situacion.