Diasabra den careda di 9’or di anochi un mayor desespera ta yama pidi yudansa ya cu e baby di poco luna na bida a cuminsa bira malo na cas color a cuminsa cambia y no tabata reacciona ribe mayornan. Un mama na grito na telefon cu 911, y e centralist cu tur calmo yudando un mayor den desesperacion tabata papia cu e mayor guianan kico pa haci cu e baby, mientras ambulance y polisnan tabata cerca mes na Savaneta danki dios cu autoridad tabata bezig cu un asistencia cu no tabatin mester di atencion y por a move.
Ambulance y Polis a yega di biaha. Paramedico a tuma e baby over di e mayor y a cuminsa traha cu e baby di biaha no por a keda ni algun seconde mas para y a opta di bay abou cu urgencia pidiendo yudansa di Polis. Central di Polis di biaha a mobilisa tur unidad, unidadnan di San Nicolas, Santa Cruz, Motorisa, Playa Noord tur cu a scucha a yuda di biaha pa yuda salba un baby cu ta teme pa su bida yega Hospital cu urgencia. E momento cu tur hende nan curason ta skip pa mantene e caminda habri den momento druk di diasabra anochi.
Un mayor den desesperacion kico ta pasando cu e criatura den e ambulance, sigur un paramedico den suspenso pa yuda salba e baby di poco luna dune tur e atencion di Sabana Basora te ora cu yega hospital. Dokternan tabata prepara pe. A brinda un cuido medico rapidamente.
Despues di rato nos redaccion a keda informa cu e baby ta recupera y stabiel y ta keda hospital pa observacion.
Palabra di tremendo trabou ne paramediconan tanto e chauffeur y e paramedico femenino cu tabata atendiendo e baby su so e momento ey den suspenso te hospital. Tur polis cu a yuda habri caminda pa ambulance por yega sin ningun problema y mas lihe, y te hasta ne personalnan di Centralista di 911 y 100. Boso esfuerso a yuda un criatura ta na bida awe.